ACADEMIC SKILLS WORKSHOP

Ni sa kidavaki raraba tale yani na gone turaga kei na gone marama mai na veidelaniyavu vakaturaga ka o ni sa vuli jiko ena koronivuli ni veivakarautaki e USP.



E vica ga a i tukutuku e gadrevi mo ni lea kilakila jiko kina:

E dua a Academic Skills Workshop ena vakayacori jiko ena yakavi ni Vukelulu sara ga i - 23/04/08! Ena qaravi jiko ena USPSA Conference Room mai na Ono na Kaloko ena yakavi ni Vukelulu ( Kayavi ni Vukelulu!!)

Na Workshop i eratou na veiqaravi kina na kena dau mai na CELT. Ka na qaravi kina eso a ulutaga bibi me vaka:

1. Vakayagataki vinaka ni Gauna se Time Management
2. Walewale ni Vuli Lesoni se Study Skills
3. Walewale ni kena qaravi a cakacaka lavaki se Assignments Skills.

E na vakarautaki jiko a wainimoli kei na bisikete me na i vaqa tu ni oji a vuli i.

• O ni sa kerei kina na gone ni Yasana ko Lau (vakabibi na Foundation kei na 100 level) ka o ni gadreva tu e so a veivuke ni vuli vaka a kena ka sa toqai toka mai cake mo ni na jiko ena Workshop bibi koi.

• E gadrevi na nomuni veivuke kina kena tauri taucoko mada mai a yacadra a gone ni Yasana ko Lau ka vuli jiko e USP me na kau mei vei Peresitedi ena dua a gauna ni bera a karua ni macawa ni Me.

Me qai nomuni jiko a loloma kei na vakacegu ni noda Turaga ko Jisu Karisito ena i lakolako ni vuli eda sa qarava jiko i.

Nu vuli vakaukauwa i ra lalai!!!!!!

Ena vukudratou a Education Committee,

Ko, Bulutani - Nomuni Dauniveiqaravi.

VAKANUINUI VINAKA JIKO

Au taura tale e dua na gauna i meu vakabula raraba jiko yani vei kemunu taucoko a gonevuli ni Yasana ko Lau ka o ni vuli jiko e na USP...Laucala, Emalus kei Alafua.
E sa gole jiko yani a vakanuinui vinaka ki na qaravi ni assignments kei na veitarogi lalai eso o ni sa dui okaji yadudua kina.

E vica ga a ka mo ni lea kilakila jiko kina:

• E sa qaravi oti e rua a bose ka sa vakavinavinakataki sara jiko vakalevu a nomunu yaco jiko mai kina vakalewe levu, e jina ga ni so vei keda e da ta jiko rawa e na vuku ni kena lekaleka a gauna e vakaraitaki yani kina se e veitaudonui jiko a noda bose keina nomunu gauna ni Kalasi.

• E sa mai qaravi oji a i matai ni noda lotu, ka a vakayacori ga e na Orange Lounge ena Siga Tabu nai ka 06/04/08. E a mai vunau kina e dua na cauravou ni Tovu mai Totoya - Qasenivuli Faga Savukiono...totoka nai vunau, ka o ni nanumi taucoko jiko ena nona masu kei na nona i vunau - o ira ka jiko ena lotu kei kemunu ka ta yaco rawa mai kina......e sa vakavinavinakataki talega vakalevu a i coi ni ti totoka qai vuabale ka o ni a vakarautakina mai.

• E na gauna i, eratou sa maqusa jiko a Education Committee ena kena vakarautaki e so a Porokaramu me na veivuke ena noda ka ni vuli..o ni na qai bulagoci malua tale yani kina.....malo 'Fei kei Mr Ilisoni na qaravi i tavi!!!!!

• E sa jiko talega a vakanananu me baleta e dua a Community Education Outreach me tou na qarava e na dua a gauna lekaleka mai koi......me vaka ni sega a Tour ki na nodatou Yasana (sa rui yawa, qai sau levu!!) e sa nanumi ga me datou sa na gole mada ga yani ki na veijikojiko e yasai Suva ka ra tu kina ko ira a noda.

• Vakavinbavinaka cecekia vei ira a nodai tokani e ra sa mai tauri vola (Graduate) jiko ena Vakaraubuka 11/04/08. SA MALO A VAKADRAKAI, I RA LALAI!!!!..Kalougata jiko a cakacaka kei na kena tomani tale jiko a vuli

• E vo jiko e dua a uma ni nodatou i lavo ena baqe ka se bera ni vakayagataki ena Semester i, ia na nodatou i wasewase mai na FSA e $1,500 dua na Semester. Na kena vakayagataki kei na kena tomani nai lavo e sa jiko rawa ena baqe, e sa na warakina a nomunu dui nanuma yadudua e na bose kacivi ka tarava.

• E sa kerei na nomunu veivuke kina kena tauri tiko mai na yaca taucoko ni gone ni Lau ko nu kila e vuli jiko e USP, koi me rawarawa kina na kena kilai a kedai wiliwili, oti ka me naqai rawa ni kau yani kina Valenivolavola ni Yasana me baleta a noda Allowance.

Me tei cava toka mada i; mo ni kalougata jiko, ka marautaki jiko mada ga a break lekaleka ena macawa ka tu mai.

Sa Malo.

Ko Bulutani - nomunu Dauniveiqaravi

Sa Malo 2008!

Ni sa bula vinaka tale mai na gone turaga, gonemarama mai na veidelaniyavu vakaturaga ena noda Yasana ko Lau, ka o ni vuli jiko ena Univesiti ni Ceva ni Pasifika ena yabaki 2008. Na vakabula e sa gole tale jiko ga ki vei kemunu taucoko na gonevuli vou ka o ni jiko ena vei tabana ni vuli vakatekivu mai na Prelimenary, Foundation kei na Degree. Keimami sa vakabula tale jiko ga yani vei keimudou taucoko a wekai keimami o ni sa jiko ena koronivuli ni veivakarautaki mai Emalus, Vanuatu kei Alafua mai Samoa.

E sa jiko a vakanuinui kei na vakabauta ni o ni sa laki dui taleitakina taucoko jiko a vica macawa eda sa vavaca oti, ka sa vakacagau sara jiko a qaravi ni vuli kei na Assignments.

A Veisiko Vakavuli ki na Yanuyanu Vakaturaga ko Lakeba

A i naki ni veisiko:

• Wasea ki na lewe ni vanua a bula ni vuli ena Univesiti


• Waswa vei ira a tabagone a vei sala eso e rawa ni ra muria me ra yacova a vuli torocake ena univesiti


• Vulica a i tovo ni bula vakavanua me keimami maroroya kina a vei meca keimami kila tani kina mai vei ira a uma tamata eso.

A Bula ni Vuli ena Univesiti

• Gadrevi vakalevu a veitokoni mai Vale, Lotu kei na Vanua.


• A vakayagataki ni gauna e ka bibi ka sa dodonu me ra susugi a gone mai vale ena tikina iei.


• A vakayagataki ni vosa ni sucu, vosa Vaka-Viti kei na vosa Vaka-Papalagi.


• Wilivola kei na vuli lesoni.

Wakolo ni yacova a vuli torocake

Vuli Tovo Vaka-Vanua

Cavuti vaka-vanua ni vei Yavusa

Cakacaka vaka-vanua:

• samaki koro kei na Vale ni Bula


• taqomaki ni yalayala ni vanua [Ba ni Ua]


• vakatoroicaketaki ni koro ni vuli

Cakacaka ni Liga:

• tali bola, magimagi


• tuki masi


• tavu waliwali

Veika tale eso:

• tau nama


• vala qalu


• vala nita


• sikova a koro makawa

Na ka keimami a bau vakayacora:

1. Vosa vei ira na gone ni vuli

2. Cakacaka vaka-vanua

3. Vuli cakacaka ni liga

Vakatutu

1) Vakalevutaki a vuli ni tabagone - me vaka a Commonwealth Youth Development Programme

2) Vakatoroicaketaki ni Koronivuli

• Vale ni vuli
• Qasenivuli
• Yaya ni vuli
• Veiliutaki ena koronivuli

3) Vakayagataki vaka-vuku ni Yau Bula ni Vanua

4) Vakavinakataki ni veiqaravi ni tabana ni matanitu

Vakavinavinaka

• Turaga Vuanirewa, Masi ni Vanua ko Lau, Qase ni Lotu, Tubutubu kei na Dauniveisusu ena omunu veitokoni ki vei keimami a luvemunu ka vuli jiko ena na USP
• Roko-Tui-Lau kei iratou a ona liga ni veiqaravi ena loma ni Yasana
• Board of Directors kei na Management ni Yatu Lau Company ena veivuke vakasilini me baleta a weimami lakolako ki Lakeba
• Vei kemunu a gone ni Lau ka dodo liga ena weimami lakolako
• SA WEIMAMI MASU ME VAKALOUGATATAKI VAKALEVU SARA AI JIKOJIKO VAKA-TURAGA

Na Vuli kei na Veivakatoroicaketaki ena 2006

Na Lewe ni Soqosoqo

Ena 2006, e rauta ni 280 a gone era rejista, ia, e tawa wili iei ko ira a weta gone ka vuli jiko mai Vanuatu kei Samoa.

Eso a gone era ta dau galeleta a lakova a veika e tuvana a Soqosoqo ka vakavuna me ra tawa rejista.

Esa dau vala tu ga vei ira a veisureti, ia, a odra toso mai sa qai vakatau tu ga vei ira.

Tuvatuva e Qaravi

Sa dau vala tu ga a veivakauqeti me keimami dau vuli vakakaukauwa. Keimami dau veivukevukei vakalevu ena vuli lesoni vata.

Sa qaravi a weimami lotu ena loma ni macawa baleta ni so e dredre vei ira a lotu ena Siga Tabu ni ra vakaitavi ki a odra dui valenilotu.

Veisiko vakavuli ki na Yanuyanu Vakaturaga ko Lakeba.

Kumuni i lavo me vaka a gunu sede kei na soli me bau tawa no kina a weimami tobu ni silini.

Nodra vosa ko ira a luvei Lau ki vei keimami me baleta a cakacaka.

Dredre Keimami Sotava

Vakavinavinakataki a silini ka sa solia jiko mai a Yasana me vukea a weimami vodovodo e na vica a siga.

Me vaka ni lewe levu a gone ni Lau e ra se tu vakararavi ga, e ra sotava vakalevu a dredre ka sa kerei jiko kina a Yasana ke rawa ni dua a omunu tuvatuvaka me baleta a jikina iei - vakavaletaki e na dua a vanua voleka ki na koronivuli.